Qashqadaryo va Namangan viloyatlarida Adliya boshqarmasi hamda Biznes-ombudsman devoni xodimlari tomonidan aholi va tadbirkorlar uchun tushuntirish va targʻibot tadbirlari oʻtkazildi.

Ushbu tadbirlar Oʻzbekiston Respublikasi Prezidentining 2025-yil 14-noyabrdagi PF-214-sonli Farmonida belgilangan, tadbirkorlik subyektlari uchun katta imkoniyatlar yaratuvchi «Biznesni 15 daqiqada boshlash» tamoyilining mazmun-mohiyatini keng yoyishga qaratildi.

Suhbatlar davomida mazkur tamoyil orqali biznesni roʻyxatdan oʻtkazish jarayonlarida ortiqcha byurokratik tartib-taomillar qisqartirilgani, hujjatlarni rasmiylashtirish jarayoni soddalashtirilgani hamda xizmatlarning tezkorligi taʼminlangani alohida qayd etildi.

Tadbir yakunida ishtirokchilar oʻzlarini qiziqtirgan barcha savollarga atroflicha javoblar olishdi.