25 ноябрь куни Франция пойтахти Париж шаҳрида Иқтисодий ҳамкорлик ва тараққиёт ташкилоти (ИҲТТ)нинг бизнесда ҳалоллик бўйича минтақавий тармоғи йиғилиши ўз ишини бошлади.

Йиғилишда 400 дан ортиқ вакиллар: халқаро ташкилотлар (Европа тикланиш ва тараққиёт банки, ИҲТТ ва Жаҳон банки), бизнес-омбудсман институтлари, коррупцияга қарши курашиш тармоғига аъзо мамлакатларнинг давлат муассасалари, Европа Иттифоқи ва Марказий Осиё мамлакатларидан коррупцияга қарши курашиш соҳасидаги етакчи экспертлар иштирок этмоқда.

Бизнес-омбудсман Дилмурод Касимов Ўзбекистонда бизнес юритишнинг ҳалол стандартларини жорий этиш ва тадбиркорлар ҳуқуқларини ҳимоя қилиш соҳасида коррупцияга қарши курашиш дастурларини амалга ошириш бўйича маъруза қилди.