Бугун, 22 ноябрь куни Андижонда Бизнес-омбудсман девони ходимлари томонидан Ўсимликлар карантини ва ҳимояси бошқармасида ўқув семинари ўтказилди.

Семинарда Президентимизнинг 2022 йил 13 сентябрдаги ПҚ-374-сон қарори, 2018 йил 27 июлдаги ПФ-5490-сонли Фармони ва Вазирлар Маҳкамасининг 2022 йил 19 октябрдаги 611-сонли қарорлари талаблари, тадбиркорлик йўналишида текшириш тартибларига риоя этилишига асосий эътибор қаратилди ва мазкур қарорларнинг мазмун-моҳияти ва аҳамияти тушунтирилди.

Ушбу тадбирда мамлакатимизда тадбиркорлик фаолиятининг тўсқинликсиз амалга оширилишини таъминлаш, бизнес юритиш учун қулай шарт-шароитлар яратишда назорат қилувчи органларнинг ўрни ва ролига эътибор қаратилди.

Семинар савол-жавобларга бой бўлди ҳамда иштирокчилар томонидан берилган саволларга мутахассислар ўзларининг фикр ва мулоҳазаларини билдирдилар.