Ўзбекистон Республикаси Президентининг 15.11.2024 йилдаги ПҚ-394-сон қарорига асосан, 2024-2026 йилларда Хоразм вилоятида туризмни ривожлантириш учун қатор чора-тадбирлар амалга оширилади.

Қарорда қуйидагилар назарда тутилган:

Хорижий ва маҳаллий туризм бозорида Хоразм вилоятининг туризм салоҳиятини тарғиб қилиш;

Туристларни жалб қилишга қаратилган тадбирларни ўтказиш;

Туризм ва маданий мерос объектлари инфратузилмасини ташкил қилиш;

Инвесторлар томонидан фойдаланишга топширилган меҳмонхоналарнинг ҳар бир хонаси учун субсидия ажратиш.

Субсидия миқдорлари:

Тоифасиз меҳмонхонадаги ҳар бир хона учун - 10 млн. сўм;

1 юлдузли меҳмонхонадаги ҳар бир хона учун - 15 млн. сўм;

2 юлдузли меҳмонхонадаги ҳар бир хона учун - 20 млн. сўм.

Шунингдек, қарор билан Хоразм вилоятида туризмни ривожлантиришнинг мақсадли кўрсаткичлари, Хоразм вилоятига туристлар оқимини янада ошириш ҳамда зарур шарт-шароитлар яратиш дастури ҳамда 2024-2026 йилларда Хоразм вилояти туризм салоҳияти тарғиботи ташкил этиладиган хорижий давлатларнинг манзилли дастури тасдиқланди.