Бугун, 18 март куни Бизнес-омбудсман девонида Франция-Ўзбекистон иқтисодий палатаси (CEFO) аъзолари билан учрашув бўлиб ўтди.

 Учрашувдан кўзланган асосий мақсад икки давлат ўртасидаги савдо-иқтисодий алоқаларни янада ривожлантириш ва инвестицион лойиҳалар амалга ошишига амалий кўмаклашишдир.

Мулоқот давомида томонлар савдо-сотиқ, инвестиция ва тадбиркорлар ҳуқуқларини ҳимоя қилиш каби долзарб масалаларни муҳокама қилдилар. Шунингдек, ишбилармонлик муҳитини яхшилаш ва инвестицияларни жалб қилиш бўйича ўзаро фикр алмашилди.

Маълумот учун: Бугунги кунда Франция-Ўзбекистон иқтисодий палатаси таркибида 60 га яқин француз компаниялари рўйхатдан ўтган.

Бизнес-омбудсман Ўзбекистон Республикасида фаолият олиб борувчи ҳар қандай тадбиркорлик субъектларининг давлат органлари билан муносабатлардаги қонуний ҳуқуқларини ҳимоя қилади.