Ўзбекистон Республикаси Президенти томонидан инвестицияларни кенг жалб этиш ва экспорт ҳажмини оширишга қаратилган видеоселектор йиғилишида божхона омборларида технологик асбоб-ускуналарнинг узоқ муддат сақланиб қолаётганлиги ва бу борада тадбиркорларга кўмаклашиш зарурлиги таъкидланди.

Мазкур топшириқ ижросини таъминлаш мақсадида Тошкент шаҳар божхона бошқармасининг “Тошкент-товар” божхона постида тадбиркорлар билан учрашув ташкил этилди.

Унда Бизнес-омбудсман ўринбосари Ж.Урунов, Тошкент шаҳар божхона бошқармаси бошлиғи Т.Саидов, шунингдек, ҳокимият, банк, мажбурий ижро, сертификация идоралари вакиллари иштирок этди.

Учрашувда қуйидаги масалаларга эътибор қаратилди:

тадбиркорларнинг божхона омборларидаги асбоб-ускуналар билан боғлиқ муаммоларини тинглаш;

мавжуд муаммоларни жойида ҳал этиш юзасидан тезкор чоралар кўриш;

вазиятни ўрганиш ва қонуний ечим топиш бўйича масъулларга аниқ кўрсатмалар бериш.