Қашқадарё вилоятида фаолият кўрсатувчи тадбиркор қарздорликни ундиришда амалий ёрдам сўраб Бизнес-омбудсман девонига мурожаат қилди.

Аниқланишича, тадбиркор ва давлат идораси ўртасида кўмир маҳсулотлари билан таъминлаш тўғрисида шартнома тузилган. Тадбиркор томонидан кўмир маҳсулотлари ўз вақтида етказиб берилган бўлса-да, тўлов амалга оширилмаган. 

Тарафлар ўртасида тузилган шартномага кўра, низолар Тошкент туманлараро иқтисодий судида ҳал қилиниши назарда тутилган. Шунга кўра Бизнес-омбудсман девони томонидан тадбиркор манфаатида қарздорликни ундириш бўйича судга даъво аризаси киритилди.

Натижада суд қарорига кўра, тадбиркорлик субъекти фойдасига қарздорлик тўлиқ ундирилди.