The Commissioner for Protection of Rights and Legitimate Interests of Entrepreneurs under the President of the Republic of Uzbekistan
News
March 16, 2026
Tadbirkorlar manfaatlari – jamoatchilik e’tiborida
Biznes muhitini yaxshilash va islohotlar samaradorligini oshirishda jamoatchilik nazorati muhim ahamiyatga ega.
Shu maqsadda, bugun, 16-mart kuni Biznes-ombudsman huzuridagi Jamoatchilik kengashining navbatdagi yig‘ilishi bo‘lib o‘tdi.
Tadbirda Biznes-ombudsman Abdumannop Buriev so‘zga chiqib, Kengashning 2026-yil birinchi yarim yilligi uchun ish rejasi, tadbirkorlarni qiynayotgan tizimli muammolar va ularni bartaraf etish bo‘yicha Vakil devoni tomonidan ishlab chiqilayotgan takliflarga to‘xtalib o‘tdi.
Shuningdek, normativ-huquqiy hujjatlar va davlat dasturlarida biznes vakillarining manfaatlarini aks ettirish borasidagi dolzarb vazifalar muhokama qilindi.
Yig‘ilishda ishtirokchilar tomonidan “Madad” NNT ijrochi direktori Saidov Shokir Kamalovich Jamoatchilik kengashi raisi, “O‘zbekiston eksportchilari” uyushmasi raisi Malikov Yorqin Erkinjonovich esa rais o‘rinbosari etib saylandi.
Eslatib o‘tamiz, Jamoatchilik kengashi tarkibi va faoliyati haqidagi ma’lumotlar Biznes-ombudsman devoni saytida e’lon qilingan. (https://biznesombudsman.uz/uz/menu/PublicCouncil/)
Shavkat Mirziyoyev
President of the Republic of Uzbekistan"The entrepreneurial movement in Uzbekistan has become an irreversible force. The richer our entrepreneurs are, the more prosperous our people will live, the more powerful our state will be. The success of an entrepreneur is the success of our entire nation."
