Bugun, 5-mart kuni Biznes-ombudsman devonida «Tadbirkor ayol» assotsiatsiyasi vakillari bilan davra suhbati tashkil etildi.

Tadbir avvalida Biznes-ombudsman Abdumannop Buriyev yig‘ilganlarni va ular orqali yurtimizdagi barcha ishbilarmon ayollarni yaqinlashib kelayotgan 8-mart – Xalqaro xotin-qizlar kuni munosabati bilan samimiy muborakbod etdi.

Uchrashuvda xotin-qizlarning mamlakat iqtisodiyotidagi o‘rni alohida e’tirof etilib, ularning huquqiy himoyasini kuchaytirish ustuvor vazifa ekanligi ta’kidlandi.

Davra suhbati davomida Biznes-ombudsman Abdumannop Buriyev va Assotsiatsiya raisi Gulnora Maxmudova tadbirkor ayollarni qiynayotgan tizimli muammolarni muhokama markaziga qo‘ydilar.

Soha vakillari o‘zlari duch kelayotgan real holatlar yuzasidan to‘g‘ridan-to‘g‘ri Biznes-ombudsmanga murojaat qilish imkoniga ega bo‘ldilar.

Tadbir yakunida ayollar tadbirkorligi yo‘lidagi to‘siqlarni bartaraf etish va ularni qo‘llab-quvvatlash bo‘yicha yangi hamkorlik mexanizmlari belgilab olindi.