Hukumat qarori (729-son, 17.11.2025 y.) bilan “Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi qoshidagi Yengil sanoatni qoʻllab-quvvatlash jamgʻarmasi mablagʻlari hisobidan yengil sanoat korxonalarini moliyaviy qoʻllab-quvvatlash tartibi toʻgʻrisida”gi nizom tasdiqlandi.

Nizom Yengil sanoatni qoʻllab-quvvatlash jamgʻarmasi hisobidan yengil sanoat korxonalarini moliyaviy qoʻllab-quvvatlash tartibini belgilaydi.

Nizomga koʻra, Yengil sanoatni rivojlantirish agentligi tomonidan tadbirkorlarga moliyaviy yordam quyidagi xarajatlarni toʻlab berish uchun koʻrsatiladi, jumladan:

xalqaro brendlarni jalb qilish xarajatlarini qoplab berish yoʻnalishida:

xalqaro brendlarni jalb qilish, ularning egalari bilan hamkorlikni yoʻlga qoʻyish, shuningdek, bu yoʻnalishdagi sorsing kompaniyasi xizmati xarajatlari;

transport xarajati – ekonom klass uchun;

Oʻzbekiston hududida mehmonxona xarajati;

tarjimonlik xizmati;

mutaxassislarni oʻqitish xarajatlarini qoplab berish yoʻnalishida:

oʻquv-treninglarida qatnashish toʻlovi;

transport xarajati;

mehmonxona xarajati.

Moliyaviy yordam olish uchun ariza va belgilangan hujjatlar ariza qabul qilingan kundan boshlab 7 ish kuni davomida koʻrib chiqiladi.

Agentlik 1 ish kuni davomida qabul qilingan qaror toʻgʻrisida tadbirkorlarga xabarnoma yuboradi.