Жорий йилнинг 5-6 май кунлари Сирдарё вилоятида тадбиркорлик субъектларида текширув ўтказиш тартиби ва текширувчиларнинг ҳуқуқ ҳамда мажбуриятларига доир ўқув-семинар бўлиб ўтди.

Ушбу икки кунлик малака ошириш курсида вилоятдаги барча назорат қилувчи органларнинг текшириш ҳуқуқига эга ходимлари иштирок этдилар.

Семинар давомида амалиётдаги муаммоли ҳолатлар юзасидан берилган саволларга масъуллар томонидан батафсил жавоб қайтарилди. Шунингдек, текширув ҳуқуқини берувчи махсус гувоҳномага эга ходимларга текширувларни «Ягона давлат назорати» ахборот тизимида рўйхатдан ўтказиш тартиби кўргазмали равишда тушунтирилди.