Бугун, 1 апрель куни Бизнес-омбудсманда БМТнинг Наркотиклар ва жиноятчилик бўйича бошқармаси (UNODC) вакили билан учрашув ташкил этилди.

Мазкур учрашувда томонлар яширин иқтисодиётни қисқартириш ва тадбиркорликни ривожлантиришда коррупциявий омилларни камайтиришга қаратилган таклифларни муҳокама қилдилар.

Муҳокамалар давомида Ўзбекистонда ишбилармонлик муҳитини яхшилаш, тадбиркорларнинг ҳуқуқларини ҳимоя қилиш ва мамлакатда инвестициявий жозибадорликни ошириш борасида келгусидаги ҳамкорлик масалалари ҳам кўриб чиқилди.