Электрон ижтимоий тармоқларда Термиз шаҳри ҳамда Денов тумани марказида жойлашган “Yubileyniy” савдо марказларининг айрим бинолари сотувга ва ижарага чиқарилмаслиги юзасидан мурожаат тарқалган эди.

Мазкур мурожаат Бизнес-омбудсман томонидан белгиланган тартибда ўрганилиб, қуйидагилар маълум бўлди. Мурожаатда келтирилган масалалар юзасидан эксперимент тарзида инвестор билан тўғридан-тўғри музокаралар орқали инвестициявий (камида 1 млн. АҚШ доллари эквивалентида) ва ижтимоий мажбуриятлар белгиланган ҳолда бўш турган давлат кўчмас мулк объектлари сотиш тўғрисида қарорлар қабул қилиш Ўзбекистон Республикаси Президентининг 2018 йил 11 октябрдаги ПФ-5552-сонли Фармони доирасида амалга оширилиши белгиланган бўлиб, ушбу жорий этилган эксперимент ўтказиш муддати 2019 йил 19 февралдаги ПФ-5666 Фармони талабларига кўра 2020 йилнинг 1 январь кунига қадар амал қилиши белгиланган.

Шу билан бирга, Ўзбекистон Республикаси Президентининг 2019 йил 19 февраль кунидаги ПФ-5666-сонли Фармонига кўра, 2019 йил 1 июлдан давлат кўчмас мулк объектларини ижарага бериш бўйича савдолар “E-IJRO AUKSION” электрон савдо майдончаси орқали амалга оширилиши юзасидан тушунтириш берилди.