Бугун, 9 январь куни Бизнес-омбудсман девонида озиқ-овқат саноати вакиллари билан учрашув бўлиб ўтди. Унда соҳада ишлаб чиқариш ҳажмини ошириш, юқори сифатли ва рақобатбардош маҳсулотлар ишлаб чиқаришдаги муаммолар ва уларнинг ечими юзасидан фикр алмашилди.

Учрашувда озиқ-овқат саноатида импорт-экспорт, сертификация, хом-ашё, контрафакт товарлар, сотув борасида мавжуд муаммолар муҳокама қилинди.

Келгусида соҳани ривожлантириш бўйича узоқ муддатли стратегия ишлаб чиқиш таклифи билдирилди.

Озиқ-овқат саноати инсон саломатлиги, миллий хавфсизлик ва иқтисодий барқарорлик билан боғлиқ стратегик йўналишдаги тадбиркорлик ҳисобланиши туфайли тизимли ишларни олиб боришни талаб қилади.