Ижтимоий тармоқларда Сурхондарё вилоятида тадбиркорлар фаолиятига аралашувлар бўлаётгани, улар мажбурий ҳомийликка жалб қилинаётгани ҳақида хабарлар тарқалди.

“Тадбиркорлик фаолияти эркинлигининг кафолатлари тўғрисида”ги Қонуннинг 34-моддасига кўра, давлат органлари, бошқа ташкилотлар ҳамда уларнинг мансабдор шахслари тадбиркорлик фаолияти субъектларининг қонунчиликка мувофиқ амалга ошираётган фаолиятига аралашишга ҳақли эмас.

Шунингдек, Маъмурий жавобгарлик тўғрисидаги кодекснинг 241-1-моддасига кўра, тадбиркорлик субъектларини пул маблағлари ҳамда бошқа моддий қимматликларни ажратиш билан боғлиқ ҳомийликка ва бошқа тадбирларга мажбурий жалб этиш тегишли тартибда маъмурий жавобгарликка тортишга сабаб бўлади.

❗️Ҳурматли тадбиркорлар!

Агар фаолиятингиз давомида мажбурий ҳомийликка жалб этиш ҳолатларига учраётган бўлсангиз,

1100 қисқа рақами орқали Бизнес-омбудсманга мурожаат қилишингиз сўралади.