Президентнинг тадбиркорлар билан бўлажак очиқ мулоқотига тайёргарлик кўриш мақсадида 1 август куни ҳукумат вакиллари ва экспортчилар ўртасида давра суҳбати ташкил этилди.

Учрашувда Бизнес-омбудсман Дилмурод Касимов, Савдо-саноат палатаси раиси Даврон Вахабов, Солиқ қўмитаси раиси Шерзод Кудбиев, Тадбиркорликни қўллаб-қувватлаш бўйича Жамоатчилик кенгаши аъзолари ҳамда қатор вазирлик ва идоралар раҳбарлари иштирок этди.

Давра суҳбатида экспорт қилувчи корхоналар вакиллари ўзлари дуч келаётган муаммолар, экспорт жараёнларини такомиллаштириш бўйича таклифларини баён қилишди.

Мутасаддилар томонидан билдирилган барча масалалар диққат билан тингланиб, ҳар бир муаммонинг ечими юзасидан тегишли чоралар кўриш вазифаси қўйилди.