Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони ходимлари Жиззах шаҳрида аҳолига йўловчи ташиш хизматини кўрсатувчи “Бегали транс сервис” МЧЖ фаолияти билан яқиндан танишдилар.

Хусусан, жамият томонидан бугунги кунда 80 та “Isuzu” йўловчи ташиш автобуслари қатнови йўлга қўйилган бўлиб, аҳолига сифатли транспорт хизмати кўрсатиб келинмоқда.

Жамият томонидан транспорт хизмати, аҳолига йўловчи ташиш хизматини ривожлантириш мақсадида Хитой давлатидаги ҳамкорлар билан 60 дона замонавий Asia Star йўловчи ташиш автобусларини келтириш юзасидан импорт шартномалари имзоланган.

Лойиҳа амалга оширилиш натижасида қўшимча 120 дан ортиқ иш ўрни яратилиши, аҳолига сифатли транспорт хизмати кўрсатилишига ҳамда жамиятнинг тадбиркорлик фаолияти янада ривожланишига хизмат қилиши кутилмоқда.