Бизнес-омбудсманга берилган шикоятда қуйидаги маълумотлар бўлиши лозим:

арз қилувчининг фамилияси (исми, отасининг исми);

унинг яшаш жойи тўғрисидаги маълумотлар;

шикоят юридик шахс томонидан берилган тақдирда унинг тўлиқ номи, жойлашган ери (почта манзили) тўғрисидаги маълумотлар;

қарорлари, ҳаракатлари ёки ҳаракатсизлиги устидан шикоят қилинаётган давлат органининг ёки бошқа ташкилотнинг номи, мансабдор шахснинг фамилияси (исми, отасининг исми);

арз қилувчининг фикрича, унинг ҳуқуқларини бузган қарорларнинг, ҳаракатларнинг ёки ҳаракатсизликнинг моҳияти.

Шикоят бўйича илгари қабул қилинган мавжуд қарорлар ёки уларнинг кўчирма нусхалари, шунингдек шикоятни кўриб чиқиш учун зарур бўлган бошқа ҳужжатлар унга илова қилиниши мумкин бўлиб, мазкур ҳужжатлар қайтарилмайди, арз қилувчи уларни қайтариш ҳақида ёзма ариза берган ҳоллар бундан мустасно.