Қонунийлик - тадбиркорлик субъектларининг ҳуқуқлари ва қонуний манфаатларини ҳимоя қилишда қонун ҳужжатлари талабларига қатъий риоя этиш;

Одиллик - фаолият давомида юзага келадиган ҳар қандай масалага адолатли ёндашиш;

Ҳалоллик - фаолиятни амалга оширишда коррупцион ҳолатларга йўл қўймаслик, барча масалаларни ҳал этишда холисликни таъминлаш;

Профессионаллик - мурожаатларни кўриб чиқиш, таҳлилларни амалга ошириш, ўрганиш ишларида касбий фаолиятни тизимли, профессионал ва самарали ташкил этиш;

Ташаббускорлик - тадбиркорлар манфаатини кўзлаб, шунингдек, бизнес-муҳитини яхшилаш мақсадида янги ғоялар, ташаббуслар ва илмий, инновацион таклифларни илгари суриш;

Масъулият - ҳар бир қўйилган вазифага лавозим мажбуриятларидан келиб чиққан ҳолда жиддий ёндашиш, самарадорликка эришиш;

Жамоавийлик - иш фаолиятини ташкил этишда Вакил девони ходимлари билан бир мақсад сари ҳаракат қилиш, гуруҳбозликка йўл қўймаслик;

Ўзаро ҳурмат - фаолиятни ташкил этишда Вакил девони ходимлари ўртасида ўзаро аҳилликни таъминлаш, жамоа обрўси ва мақсадлари учун шахсий масъулиятни ҳис қилиш