Қашқадарё вилоятида фаолият юритувчи “Company” МЧЖ (номи ўзгартирилган) нотўғри ундирилган солиқ тўловларини қайтарилишида амалий ёрдам сўраб Бизнес-омбудсманга мурожаат қилди.

Маълум бўлишича, Нишон туманидаги фойдаланилмаётган объектларни аниқлаш бўйича ишчи гуруҳнинг хулосасига кўра Жамиятга тегишли қурилиши тугалланган кўчмас мулк учун 519,4 миллион сўм таъсирчан солиқ механизми қўлланилган.

Ушбу ҳолат юзасидан Бизнес-омбудсман томонидан амалга оширилган ишлар натижасида, Жамиятдан нотўғри ундирилган 519,4 миллион сўм қайтариб берилди.