Қашқадарё вилоятида фаолият юритувчи “Қашқадарё дори-дармон” МЧЖ давлат идоралари билан тузилган шартномалар бўйича қарздорликни ундиришда муаммога дуч келиб, Бизнес-омбудсманга мурожаат қилди.

Маълум бўлишича, Миришкор, Ғузор ва Шаҳрисабз туманлари тиббиёт бирлашмалари ва Жамият ўртасида дори-дармон ва тиббиёт маҳсулотларини етказиб бериш тўғрисида шартномалар тузилган. Шартномаларга асосан тадбиркор томонидан белгиланган тиббиёт маҳсулотлари етказиб берилганлигига қарамасдан, тиббиёт бирлашмалари томонидан тўловлар амалга оширилмаган.  

Ушбу ҳолат бўйича Бизнес-омбудсман томонидан Ғузор, Шаҳрисабз ва Касби туманлараро иқтисодий судларига даъво аризалар киритилиб, “Қашқадарё дори-дармон” МЧЖ фойдасига Миришкор, Ғузор ва Шаҳрисабз туманлари тиббиёт бирлашмаларининг ҳисобидан жами 323,7 миллион сўм ундирилиши белгиланди.