25-Aprel, 2022-yil

Давлатобод туман мактабгача таълим бўлимидан тадбиркорга 339,7 миллион сўмлик қарздорлик ундирилди

Наманган вилоятида фаолият кўрсатувчи “Catering” ХК (номи ўзгартирилган) шартнома бўйича тўловларни давлат идорасидан ундиришда қийинчиликларга дуч келиб, Бизнес-омбудсманга мурожаат қилди.

Хусусан, Корхона ва Давлатобод туман мактабгача таълим бўлими ўртасида аутсорсинг асосида озиқ-овқат маҳсулотларини етказиш тўғрисида 6 та шартнома тузилган. Барча тузилган шартномаларга мувофиқ, Корхона томонидан давлат мактабгача таълим ташкилотларида жами 385, 9 миллион сўмлик хизматлар кўрсатилган. Шунга қарамасдан, белгиланган тўловлар амалга оширилмасдан,  мактабгача таълим бўлими томонидан катта миқдордаги қарздорликка йўл қўйилган.

Ваҳоланки, Ўзбекистон Республикаси “Хўжалик юритувчи субъектлар фаолиятининг шартномавий-ҳуқуқий базаси тўғрисида”ги Қонуннинг 24-моддасига кўра, тарафлардан бири шартнома мажбуриятларини бажармаган ёки лозим даражада бажармаган тақдирда бу тараф бошқа тарафга етказилган зарарни тўлайди.

Шунга кўра, Бизнес-омбудсман томонидан Корхона манфаатида Наманган туманлараро иқтисодий судига даъво аризалар киритилиб, суднинг ҳал қилув қарорлари билан Давлатобод туман Мактабгача таълим бўлими ҳисобидан Корхона фойдасига 339, 7 миллион сўмлик қарздорликни ундириш белгиланди. 

Аввалироқ тадбиркорлик субъектлари ва давлат ташкилотлари ўртасида шартнома тузишда вужудга келадиган муаммолар батафсил ёритилган эди. 

Пресса хизмати

Касимов Дилмурод Султанмуратович

Вакил (Бизнес-омбудсман)

Мураккаб иқтисодий ўзгаришлар шароитида тадбиркорлар фаолиятидаги ҳар қандай тўсиқ ва чекловлар олиб ташланса, уларга ҳақиқий ёрдам берган бўламиз

Text to speech
Звуковое сопровождение