Самарқанд вилоятида тадбиркорлик фаолиятини юритаётган “Макон” МЧЖ (номи ўзгартирилган) солиқ қарзларини бўлиб-бўлиб тўлаш бўйича амалий ёрдам беришни сўраб, Бизнес-омбудсманга мурожаат қилди.

Хусусан, маълум қилинишича, ҳудудий солиқ идораси томонидан Жамият фаолиятида ўтказилган камерал солиқ текшируви натижасида ер қаъридан фойдаланганлик учун 2 млрд сўмлик солиқ ҳисобланган. Бунда, ҳосил бўлган 2 млрд сўмлик солиқ қарзини бир йўла тўлаш оқибатида Жамият молиявий қийинчиликка учраши хавфи юзага келган.

Таъкидлаш лозим, Солиқ кодексида солиқ тўловчи бўлган тадбиркорларга солиқни бўлиб-бўлиб тўлаш имконияти берилган бўлиб, юқоридаги ҳолат ушбу имкониятни бериш асосларидан бири сифатида белгиланган.

Шунга кўра, маҳаллий тадбиркорга амалий ёрдам бериш мақсадида Бизнес-омбудсман ва Давлат солиқ қўмитаси томонидан олиб борилган ишлар натижасида, Жамият ҳосил бўлган солиқ қарзини бир йил муддатга бўлиб-бўлиб тўлаш имкониятига эга бўлди.