Biznes-ombudsman Abdumannop Buriyev 8-mart – Xalqaro xotin-qizlar kuni munosabati bilan devonda faoliyat yuritayotgan ayollarni samimiy tabrikladi.

Tadbir davomida soha rivojida ayollarning o‘rni alohida e’tirof etildi.

Ta’kidlanganidek, tadbirkorlar huquqlarini himoya qilishdek mas’uliyatli vazifada xotin-qizlarning bilim va tajribasi, sabr-toqati hamda fidoyiligi muhim ahamiyatga ega.

Bayram arafasida quvonchli voqea yuz berdi: Biznes-ombudsman devoni xodimi Gayipova Gulnara Amanovna «Mo‘tabar ayol» ko‘krak nishoni bilan taqdirlandi. Vakil ushbu mukofotni topshirib, G.Amanovnaning ko‘p yillik samarali mehnati va soha rivojiga qo‘shgan salmoqli hissasini alohida e’tirof etdi.