Кун.уз вебсайтида тадбиркорлар томонидан онлайн назорат касса машиналари (НКМ) ва виртуал кассалар учун техник кўрсатиш марказларига (ТХКМ) ҳар ой мажбурий абонент тўловлари амалга оширилаётганлиги юзасидан мақола ёритилган эди. 

Ушбу масала Бизнес-омбудсман томонидан ўрганилганда, жорий йил 1 июль холатига ТХКМ томонидан ҳар бир субъектдан 50 мингдан 100 минг сўмгача (бир ойда 7,4 -14,9 млрд.сўм, бир йилда – 89 – 179 млрд.сўм) ойлик абонент тўловлари ундирилганлиги аниқланди. Таъкидлаш жоиз, ушбу тўловлар техник хизмат кўрсатилиши ёки кўрсатилмаслигидан қатъий назар ундирилган. 

Мазкур масала тадбиркорларнинг эътирозларига сабаб бўлаётганлигидан келиб чиқиб, Бизнес-омбудсман томонидан амалдаги қонунчиликни такомиллаштириш юзасидан таклиф киритилди.