Ўзбекистон Республикаси Президентининг тадбиркорлар билан V очиқ мулоқотида белгиланган вазифаларни амалга ошириш чора-тадбирлари тўғрисидаги Фармони ижроси юзасидан қонун лойиҳаси ишлаб чиқилди.

Мазкур қонун лойиҳаси тадбиркорларга нисбатан мансабдор шахслар томонидан асоссиз равишда жарималар қўллаганлик ҳолатлари суд томонидан тасдиқланган тақдирда жавобгарлик чораларини белгилашни назарда тутади.

Статистик маълумотларга кўра, 2024–2025 йилнинг биринчи ярмида судлар томонидан 9 035 та асоссиз жарималар бўйича шикоятлар қаноатлантирилиб, натижада қарийб 4,4 трлн сўм миқдоридаги молиявий жарималар бекор қилинган. 

Қонун лойиҳаси муҳокамаси 9 ноябргача давом этади. Ўз фикр ва таклифларингиз билан уни янада такомиллаштиришга ҳисса қўшинг: https://regulation.adliya.uz/project/7539/19526?contentLang=oz