Бугун Бизнес-омбудсман девонида “Давлат секторида сунъий интеллектдан фойдаланиш имкониятлари” мавзусида тренинг ташкил этилди. Тадбир “Рақамли технологиялар ва сунъий интеллектни ривожлантириш илмий-тадқиқот институти” билан ҳамкорликда ўтказилди. 

      Сунъий интеллект – бу нафақат инновация, балки давлат бошқарувини самарали ташкил этиш, аҳоли учун қулай имкониятлар яратиш, тадбиркорликни қўллаб-қувватлаш ва шаффофликни таъминлашнинг муҳим омили ҳисобланади. 

      Жаҳон тажрибаси шуни кўрсатмоқдаки, сунъий интеллектдан самарали фойдаланиш натижасида давлат хизматлари кўрсатиш тезлиги 30-40% га ошиши, инсон омили билан боғлиқ хатолар эса сезиларли даражада камайиши мумкин.

      Ўзбекистонда ҳам бу йўналишда қатор вазифалар амалга оширилмоқда. Хусусан, “Рақамли Ўзбекистон – 2030” стратегияси доирасида давлат бошқаруви жараёнларини рақамлаштириш, замонавий ахборот тизимларини жорий этиш ва сунъий интеллект технологияларини қўллашга алоҳида эътибор қаратилмоқда.

      Бизнес-омбудсман институти ушбу жараёнларда тадбиркорлар манфаатларини ҳисобга олган ҳолда давлат хизматларини янада шаффоф ва самарали қилишга қаратилган ташаббусларни қўллаб-қувватлайди.