Тошкент вилоятида инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссиясининг навбатдаги йиғилиши бўлиб ўтди. Унда Бизнес-омбудсман девони раҳбарияти ҳам иштирок этди.

Бош прокурор ўринбосари Д.Касимов, Бош вазир ўринбосари Ж.Ходжаев ҳамда Президент Администрацияси масъул ходимлари билан биргаликда ўтказилган ушбу йиғилишда муаммоли масалалари мавжуд бўлган 48 нафар тадбиркорлик субъекти қатнашди. Улардан 32 тасининг муаммолари масъул вазирлик ва идоралар раҳбарлари иштирокида муҳокама қилинди.

Муҳокамалар натижасида 6 нафар тадбиркорнинг муаммолари жойида ҳал этилди. Қолган, вақт ва қўшимча ўрганиш талаб этадиган муаммоли масалаларни ҳал этиш юзасидан аниқ муддат ва масъуллари кўрсатилган "Чора-тадбирлар дастури" ишлаб чиқилиб, ижрога қаратилди.