Тошкент шаҳрида фаолият кўрсатувчи “Company” МЧЖ (номи ўзгартирилган) сув таъминоти учун ҳисобланган қарздорликдан норози бўлиб Бизнес-омбудсманга мурожаат қилди.

Аниқланишича, “Тошкент шаҳар сув таъминоти” МЧЖ ходимлари томонидан текширув давомида сув ҳисоблагичи носозлиги аниқланган ва уларнинг талабига кўра сув ҳисоблагич алмаштирилган. Сув ҳисоблагични носозлиги сабабли Жамиятга нисбатан 7 миллион сўмлик қарздорлик нотўғри ҳисобланган. 

Бизнес-омбудсман томонидан сув ҳисоблагич “Company” МЧЖнинг айбисиз носоз бўлганлиги исботланди. Натижада нотўғри ҳисобланган қарздорлик бекор қилиниб, Жамият томонидан сарфланган сув миқдори олдинги уч ҳисоб-китоб ойидаги ўртача сарф бўйича аниқланди.