Жорий йилнинг 7 июль куни Дилмурод Касимов Литва Республикасидан келган қишлоқ хўжалиги соҳасидаги мутахассислар А. Мицейкене ва М. Куклиерус билан учрашди. 

Учрашув давомида Д. Касимов меҳмонларни Ўзбекистон Республикаси Президент ҳузуридаги Бизнес-омбудсман институтининг тадбиркорлар ҳуқуқлари ва қонуний манфаатлирини ҳимоя қилиш соҳасидаги фаолияти билан таништирди. Шу билан бирга, мутахассисларга Ўзбекистонда амалга оширилаётган ислоҳотлар, тадбиркорларни қўллаб-қувватлашга қаратилган давлат дастурлари, шунингдек, хорижий инвесторлар учун яратилаётган шароитлар тўғрисида сўзлаб берилди. Учрашув давомида, томонлар ҳамкорликнинг долзарб масалалари ва устувор йўналишларини муҳокама қилдилар. Қишлоқ хўжалиги ва озиқ-овқат хавфсизлигини таъминлаш соҳасида яқин мулоқот ўрнатиш истиқболларига алоҳида эътибор қаратилди.

Учрашув натижасида томонлар қишлоқ хўжалиги соҳасидаги тадбиркорларни қўллаб-қувватлаш орқали икки томонлама инвестициявий ҳамкорликни мустаҳкамлашга, шунингдек, ушбу соҳада икки мамлакат мутахассислари ўртасида тажриба алмашишга қаратилган қўшма тадбирлар ва дастурларни ташкил этиш масалаларини муҳокама қилдилар.