Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил
Янгиликлар
21-Iyun, 2021-yil
Тадбиркордан карантин чекловлари давомида бизнеси тўхтатилганлиги учун солиқ ундирилди
Бўстонлиқ туманида фаолият кўрсатувчи “Resort” МЧЖ (номи ўзгартирилган) унга тегишли объектга нисбатан таъсирчан солиқ механизми қўлланилганлигидан норози бўлиб, Бизнес-омбудсманга мурожаат қилди.
Аниқланишича, коронавирус COVID-19 тарқалиши билан боғлиқ эпидемиологик чекловлар туфайли тадбиркорга тегишли болалар дам олиш оромгоҳининг фаолияти тўхтаган. Натижада, Ишчи гуруҳ томонидан юқоридаги объект бўш турган сифатида топилиб, Жамиятдан таъсир солиқ механизми сифатида 367 миллион сўм солиқ ҳисобланган ва ушбу маблағлар ундирилди.
Бизнес-омбудсманнинг аралашуви натижасида, Ишчи гуруҳ томонидан қайта мониторинг ўтказилиб, юқоридаги солиқ механизми бекор қилинди ва тадбиркордан ундирилган маблағларни қайтариш юзасидан ҳудудий Ғазначилик бўлимига хулоса юборилди.
Шавкат Мирзиёв
Ўзбекистон Республикаси Президенти“Ўзбекистонда тадбиркорлик ҳаракати орқага қайтариб бўлмайдиган катта кучга айланди. Тадбиркорларимиз қанча бой бўлса, халқимиз шунча фаровон яшайди, давлатимиз шунча қудратли бўлади. Тадбиркорнинг ютуғи – бу бутун халқимизнинг ютуғи”
