Хоразм вилоятида фаолият юритувчи “Урганч Лаззат нон” МЧЖ, “Қўчқор боғбон” МЧЖ ва “Явкач” МЧЖ раҳбарлари “Хоразм сув таъминоти” АЖ ходимларининг хатти-ҳаракатидан норози бўлиб Бизнес-омбудсманга мурожаат қилди.

Аниқланишича мазкур жамиятларда ичимлик сувини истеъмол қилиш бўйича ўрганишлар ўтказилиб, ичимлик сув ҳисоблагичларининг давлат тамғаси йўқлиги аникланган хамда жарима қўллаш бўйича далолатномалар расмийлаштирилган.

Ҳолат Бизнес-омбудсман томонидан ўрганилганда жамиятларда текширув ўтказилишидан қисқа вақт олдин ичимлик суви ҳисоблагичлари “Хоразм сув таъминоти” АЖ ходимлари талабига кўра янгисига - масофадан узатувчи замонавий сув ҳисоблагичларига алмаштирилганлиги, бироқ, уни ўрнатган инспектор томонидан кейинроқ ўрнатилиши таъкидланиб, тамға ўрнатилмай қолиб кетганлиги маълум бўлди.

Бизнес-омбудсман девони ходимлари саъй-ҳаракати натижасида юқоридаги ҳолатларда тадбиркорларнинг айбсизлиги ўз тасдиғини топиб, тадбиркорларга қўйилган асоссиз жарималар бекор қилиниши таъминланди.