Наманган ва Навоий вилоятларида Бизнес-омбудсман девони ходимлари, ҳудудий масъуллар ҳамда мутасадди ташкилотлар вакиллари томонидан тадбиркорлар билан учрашув ўтказилди.

Мавжуд муаммоларни бартараф этиш, таклифларни ўрганиш ва қўллаб-қувватлаш мақсадида ташкил этилган учрашувда 40 га яқин тадбиркорлик субъектлари иштирок этди.

Учрашув давомида тадбиркорларнинг солиқ, ер, кредит, текширувлар билан боғлиқ муаммо ва таклифлари тингланди. Уларни ҳал этиш масалалари муҳокама қилинди.

Шунингдек, мутасаддилар томонидан тадбиркорлар мурожаати албатта назоратга олиниши таъкидланиб, ўрганиш учун қабул қилинди. Билдирилган таклифларнинг кейинчалик амалиётга татбиқ этилиши юзасидан чора-тадбирлар белгилаб олинди.