Куни кеча, 27 июнь куни давлат-хусусий шерикчилиги лойиҳаларини амалга оширган тадбиркорлар иштирокида очиқ мулоқот ўтказилди.

Унда 30 дан зиёд тадбиркорлар фаол иштирок этдилар.

Онлайн форматда ўтказилган мулоқотда тадбиркорлар ўз фаолиятларида дуч келаётган муаммоларни очиқчасига муҳокама қилиб, уларни ҳал этиш бўйича қатор таклифлар билдирдилар.

Асосан, кредит, ер, инфратузилма, озиқ-овқат учун субсидия ажратилиши ва педагог кадрларга иш ҳақи тўлаб берилиши юзасидан таклифлар берилди.

Мулоқот чоғида тадбиркорлар амалдаги қонунчилик ва норматив-ҳуқуқий ҳужжатларга ўзгартиришлар киритиш зарурлигини таъкидлаб, бу ўзгаришлар давлат-хусусий шерикчилик тизимини янада самарали ташкил этиш, бюрократик тўсиқларни камайтириш ва инвестиция муҳитини яхшилашга хизмат қилишини қайд этдилар.