Жиззах вилоятида тадбиркорлар ва ишбилармонлар учун навбатдаги «Roadshow» тақдимоти ташкил этилди.

Унда хусусийлаштирилиши белгиланган давлат активлари ва ер участкалари тақдим қилинди. Шунингдек, тадбиркорларни қизиқтирган хусусийлаштириш ва давлат мулкини ижарага бериш йўналишларида яратилган бир қатор имтиёзлар ва қулайликлар ҳақида маълумот берилди.

Мазкур тадбир давомида Бизнес-омбудсман девони масъул ходимлари ҳам иштирок этиб, тадбиркорларни қизиқтирган масалалар юзасидан фикр алмашдилар.