Бизнес-омбудсман девони вакиллари иштирокида Қорақалпоғистон Республикаси прокуратураси органларида фаолият юритаётган ёш мутахассислар учун тадбиркорлик, инвестиция ва ташқи савдо соҳаларидаги қонунчилик ҳамда назорат механизмлари бўйича ўқув семинари ўтказилди.

 Семинарда прокуратура ходимларига тадбиркорлар ҳуқуқларини ҳимоя қилиш, қонуний фаолият юритишлари учун қулай шарт-шароитлар яратиш, текширувлар ва тафтишларни қонуний ўтказиш, имтиёзлар ва преференциялар беришда адолатли қарор қабул қилиш, давлат хизматлари кўрсатишда шаффофликка риоя этиш, экспорт-импорт операцияларида қонунийликка амал қилиш, ташқи савдода қарздорлик муаммоларини ҳал қилиш, инвестиция фаолияти учун қонунчиликдаги кафолатларни таъминлаш каби масалалар ҳақида тушунчалар берилди.