Biznes-ombudsman devoni tomonidan tadbirkorlar bilan ishlash tizimini takomillashtirish va ularning huquqiy himoyasini kuchaytirish maqsadida navbatdagi tadbirlar tashkil etildi.

Yangi Namangan tumanida o‘tkazilgan sayyor qabulda tadbirkorlarning 10 ga yaqin murojaatlari o‘rganildi. Ularning aksariyati joyida hal etilib, qo‘shimcha o‘rganish talab qiladigan masalalar Biznes-ombudsman nazoratiga olindi. Shuningdek, qurilish va soliq sohalarini rivojlantirish bo‘yicha takliflar tinglandi.

Ma’lumot uchun: Yangi Namangan tumanida 2 582 ta tadbirkorlik subyekti faoliyat ko‘rsatadi. Ushbu tadbirkorlik subyektlaridan 32 foizi xizmat ko‘rsatish, 19 foizi ishlab chiqarish, 11 foizi to‘qima-to‘quv faoliyati, 4.5 foizi qishloq xo‘jaligi, 8 foizi umumiy ovqatlanish faoliyatini tashkil qilish va 25.5 foizi boshqa faoliyat turlari bilan shug‘ullanib keladi.

Farg‘ona viloyatida Prezidentning PF-229-sonli Farmoni ijrosini ta’minlash maqsadida Sanepidqo‘mita mutaxassislari ishtirokida o‘quv-amaliy seminari o‘tkazildi. Unda nazorat qiluvchi organlar tomonidan tekshirishlarni o‘tkazish tartibi bo‘yicha tushuntirishlar berilib, soha xodimlarini qiynayotgan muammoli vaziyatlar muhokama qilindi.