Биласизми? 

Кичик саноат зоналари тўғрисидаги Низомнинг 57-банди талабига кўра, кичик саноат зонаси иштирокчилари ижарага олинган ер участкалари бўйича дирекцияларга фақатгина ижара тўловини амалга оширади.

Бизнес-омбудсман девони кичик саноат зоналарида фаолият юритувчи тадбиркорлик субъектларининг муаммоларини таҳлил қилди. Таҳлил натижаларига кўра, айрим ҳудудлардаги тадбиркорлар ўзларига тақдим этилган имтиёзлардан бехабар бўлганлиги сабабли, ер ва мол-мулк солиғи бўйича ҳисоботни умумий тартибда топширган ва бу ортиқча солиқ ҳисобланишига олиб келган.

Мисол учун, Ғиждувон кичик саноат зонасида фаолият юритувчи оилавий корхона учун 11,389 млн сўм ер солиғи ҳамда 11,766 млн сўм мол-мулк солиғи ҳисобланган.

Ҳозирги вақтда Бизнес-омбудсман девони томонидан бошқа мутасадди ташкилотларлар билан ҳамкорликда тадбиркорларга зарур амалий ёрдам бериш ва имтиёзлар ҳақида хабардорлигини ошириш чоралари кўрилмоқда.

Мазкур имтиёздан фойдаланишда қийинчиликка учраган  тадбиркорлардан 1100 қисқа рақами ёки телеграм гуруҳи (https://t.me/biznesombudsmangamurojaat) орқали Бизнес-омбудсман девонига мурожаат қилишларини сўраймиз.