Ўзбекистон Республикаси Президентининг тадбиркорлар билан очиқ мулоқотига тайёргарлик кўриш доирасида Бизнес-омбудсман девони томонидан озиқ-овқат маҳсулотларини ишлаб чиқариш соҳасида фаолият юритаётган тадбиркорлар иштирокида учрашув ташкил этилди.

Мазкур учрашувда 30 га яқин тадбиркорлар иштирок этиб, соҳадаги мавжуд муаммолар ва уларни бартараф этиш йўлларини муҳокама қилдилар.

Қуйидаги масалаларга эътибор қаратилди:

автомашиналарга жойланаётган рекламалар ва унга қилинаётган тўловлар;

янги фаолият бошлаган тадбиркорлик субъектларига кредитлар ажратилиши;

электр энергияси кучланиши ва узвийлигини таъминлаш;

импорт қилинган асбоб-ускуналарни сертификатлаштириш жараёнларини соддалаштириш;

ишлаб чиқариш жараёнида фойдаланиладиган кимёвий тозалов воситаларини биржа савдолари орқали харид қилиш ва бошқа шу каби масалалар тўғрисида фикрлар билдирилди.

Учрашувда тадбиркорлар томонидан билдирилган фикрлар асосида соҳани ривожлантириш бўйича қонунчиликка ўзгартиришлар киритиш юзасидан аниқ таклифларни шакллантириш белгилаб олинди.