Хоразм вилоятида Бизнес-омбудсман девони, Савдо-саноат палатаси ва Микрокредитбанк вакиллари иштирокида тадбиркорлар билан очиқ мулоқотлар ўтказилди.

Мазкур мулоқотлар долзарб масалаларга ечим топишга қаратилди. Уларда шаҳар ва туманлардан келган 50 га яқин тадбиркорнинг таклифлари ва фаолиятини ривожлантиришга тўсиқ бўлаётган муаммоли масалалар юзасидан мурожаатлари тингланди.

Мулоқотлар давомида электр тармоқлари, кадастр, янги бизнес лойиҳаларни молиялаштириш, кредит тўловлари каби бир қатор муҳим масалалар муҳокама қилинди.

Учрашувлар якунида мавжуд муаммолар тегишли соҳа масъуллари иштирокида ўрганилиб, тадбиркорларни қўллаб-қувватлаш ва уларга амалий ёрдам кўрсатиш бўйича аниқ чора-тадбирлар белгилаб олинди.