"Корхонамга қуёш панели ўрнатдим, лекин қуёш панели ўрнатилган бино ва иншоотим учун  мол-мулк солиғи бўйича имтиёз қўлланилмаяпти. Нима учун?"

Солиқ кодексига кўра, қайта тикланувчи энергия манбалари қурилмалари (шу жумладан, қуёш панеллари) учун қувватига қараб мол-мулк солиғидан имтиёзлар мавжуд:

100 кВтгача бўлган қурилмалар: фойдаланишга топширилган ойдан бошлаб 3 йил муддатга.

қуёш панели 25 фоиздан кам бўлмаган электр энергиясини тўплаш тизими билан ўрнатилса, имтиёз 10 йил муддатга.

100 кВт ва ундан ортиқ қурилмалар: фойдаланишга топширилган ойдан бошлаб 10 йил муддатга.

Мол-мулк солиғи бўйича имтиёз фақат қурилмаларнинг ўзига тегишли, яъни қурилма ўрнатилган бино учун тўланадиган мол-мулк солиғига нисбатан татбиқ этилмайди.

Қолаверса, қуёш панеллари эгаллаган ер майдони ва улар ўрнатилган мулкнинг ер майдони учун тадбиркорлар ер солиғидан озод қилинади.

Шунингдек, Президент қарорига (16.02.2023 йилдаги ПҚ-57-сон) кўра, умумий қуввати 100 кВтгача бўлган қайта тикланувчи энергия манбалари қурилмаларини ўрнатган ва улардан фойдаланувчи шахслар, улар фойдаланишга топширилган кундан эътиборан уч йил муддатга электр энергиясини умумий тармоққа сотишдан олинган фойда бўйича — фойда солиғини тўлашдан озод этилади.