Бугун, 29 январь куни Бизнес-омбудсман Дилмурод Касимов Қорақалпоғистон Республикаси Хўжайли туманида “EXCIMCORP” МЧЖ фаолияти билан танишди.

Корхона 2023 йилнинг май ойидан буён фаолият кўрсатиб келаётган бўлиб, қизилмия илдизини қайта ишлаш ва экспорт қилиш билан шуғулланади.  Айни пайтда корхонада 20 нафар фуқаро иш билан таъминланган.

Ҳозирги кунда корхона йилига 500 тонна қизилмия илдизини қайта ишлаб, Хитой ва Европа давлатларига экспорт қилмоқда. Бунинг натижасида йилига 600-700 минг АҚШ доллари миқдорида валюта маблағлари тушириб келинмоқда.

Бизнес-омбудсман Дилмурод Касимов тадбиркор билан учрашиб, унинг муаммо ва таклифларини тинглади.  Учрашув якунида тадбиркорга амалий ёрдам кўрсатиш бўйича тегишли чора-тадбирлар белгилаб олинди.