Сирдарё вилоятида Бизнес-омбудсман ходимлари бошчилигидаги Божхона, Солиқ, МИБ ва тижорат банклари вакилларидан иборат ишчи гуруҳ томонидан божхона омборида сақланаётган импорт қилинган технологик ускуналар ҳолати ўрганилди.

Хусусан, Ховос туманидаги "ZAMON TEKS" МЧЖ томонидан ип-калава ишлаб чиқаришга мўлжалланган 207,8 минг АҚШ доллари қийматидаги ускуналар импорт қилинган бўлиб, ўрганиш кунида ИМ-74 божхона режимига расмийлаштирилиб, 599,1 млн сўм божхона тўловлари тадбиркор томонидан тўлаш имконияти йўқлиги сабабли, 2023 йил ноябрь ойидан буён омборда сақланиб келаётганлиги аниқланди.

Олиб борилган саъй-ҳаракатлар натижасида тадбиркорнинг банк ҳисоб рақамига 4,1 млрд сўм ҚҚС салбий фарқ суммаси қайтарилди. Бу маблағлар ёрдамида тадбиркор божхона тўловларини амалга оширишга ва ускуналарни божхона омборидан олиб чиқишга муваффақ бўлди.