Тошкент шаҳрида тадбиркорлик субъектларида хавфсизлик чораларини кучайтиришга қаратилган кенг кўламли тарғибот тадбирлари ўтказилди.

14 январь куни Бизнес-омбудсман девони ходимлари томонидан Бош прокуратура, Ички ишлар вазирлиги, Миллий гвардия ҳамда Фавқулодда вазиятлар вазирлиги вакиллари билан ҳамкорликда Тошкент шаҳридаги савдо ва хизмат кўрсатиш соҳасида фаолият юритувчи тадбиркорлик субъектлари билан давра суҳбати ташкил этилди.

Тадбирнинг асосий мақсади:

Тадбиркорлик субъектларида хавфсизлик чораларини кучайтириш;

Ёнғин хавфсизлиги қоидаларига риоя этилишини таъминлаш;

Фавқулодда вазиятларнинг олдини олиш.

Давра суҳбати давомида тадбиркорлар хавфсизлигини таъминлаш, ёнғин хавфсизлиги қоидаларига риоя қилиш, фавқулодда вазиятларда тўғри ҳаракат қилиш каби масалалар муҳокама қилинди. Шунингдек, тадбиркорлар ҳуқуқлари ва қонуний манфаатларини ҳимоя қилишга оид ўзларини қизиқтирган саволларга мутахассислардан жавоб олиш имкониятига эга бўлдилар.