Биласизми?

Солиқ кодексига асосан, бир қатор ер участкалари солиқ имтиёзларига эга. Бу имтиёзлар ер эгаларига солиқ юкини камайтириш ва уларнинг фаолиятини қўллаб-қувватлашга қаратилган.

Қуйидаги ер участкалари солиқ имтиёзларига эга:

➡️Қишлоқ хўжалиги мақсадлари учун янги ўзлаштирилаётган ерлар: ўзлаштириш ишлари даврида ва ўзлаштирилгандан кейин 5 йил мобайнида.

➡️Қайта тикланадиган энергия манбалари ускуналари эгаллаган ерлар: ишга туширилгандан кейин 10 йил муддатга.

➡️Маданият, таълим, соғлиқни сақлаш ва ижтимоий таъминот объектлари эгаллаган ерлар.

➡️Спорт ва жисмоний тарбия-соғломлаштириш мажмуалари эгаллаган ерлар.

➡️Шаҳар электр транспорти йўллари ва метрополитен линиялари эгаллаган ерлар.

➡️Аҳоли пунктларининг сув таъминоти ва канализация иншоотлари эгаллаган ерлар.

➡️Магистрал иссиқлик трассалари эгаллаган ерлар.

➡️Иҳота ўрмон дарахтзорлари эгаллаган ерлар.

➡️Сувни тежайдиган суғориш технологиялари жорий этилган ерлар: 5 йил муддатга.

➡️Мелиорация ишлари амалга оширилаётган мавжуд суғориладиган ерлар: ишлар бошланганидан 5 йил муддатга.

➡️Янги барпо этилаётган боғлар, токзорлар ва тутзорлар эгаллаган ерлар: 5 йил муддатга.

➡️Илмий ташкилотларнинг тажриба, экспериментал ва ўқув-тажриба хўжаликларининг ерлари.

➡️Қишлоқ жойларда жойлашган антенна-мачта металл конструкциялари эгаллаган ер участкалари.

Эслатма: Солиқ имтиёзлари фақат ер участкалари белгиланган мақсадда фойдаланилгандагина қўлланилади!

Батафсил маълумот учун Солиқ кодексининг 428-моддасини ўқинг https://lex.uz/docs/4674902