Бугун, 24 июль куни Бизнес-омбудсман девони ходимлари томонидан Республикамиз бўйлаб тадбиркорлик субъектларининг муаммо ва таклифларини тинглаш мақсадида сайёр қабуллар ўтказилди.

Учрашувларда ҳокимлик вакиллари, мутасадди ташкилот раҳбарлари ҳамда юзлаб тадбиркорлар иштирок этдилар.

Мазкур қабуллар давомида тадбиркорлар ер майдони ажратиш, кредит, молия, солиқ ва бошқа масалалар юзасидан фикр билдирдилар.

Уларнинг мурожаатлари тегишли тартибда назоратга олинди. Билдирилган таклифлар эса амалиётга татбиқ этиш юзасидан ўрганиш учун қабул қилинди.