Ҳукуматнинг 2023 йил 4 апрелдаги 142-сонли қарори билан бино (иншоот) ва хоналарнинг ёнғин хавфсизлиги талабларига мувофиқлиги тўғрисида хулоса бериш бўйича давлат хизматлари кўрсатишнинг маъмурий регламенти тасдиқланди.

Регламентга мувофиқ, бино (иншоот) ва биноларнинг ёнғин хавфсизлиги талабларига мувофиқлиги тўғрисидаги хулоса Фавқулодда вазиятлар вазирлигининг давлат ёнғин назорати органлари томонидан Давлат хизматлари марказлари ёки Ягона интерактив давлат хизматлари портали (my.gov.uz) орқали берилади.

Шунга кўра, ариза берувчи (жисмоний ёки юридик шахс) бевосита давлат хизматлари марказига мурожаат қилади ёки Ягона интерактив давлат хизматлари порталида рўйхатдан ўтади.

Ваколатли орган сўровномани олгандан кейин 10 иш куни ичида норматив-ҳуқуқий ҳужжатларга ва техник жиҳатдан тартибга солиш соҳасидаги норматив ҳужжатларга мувофиқ жойга бориб, бино ва биноларни кўздан кечиради.