Бухоро вилоятида фаолият кўрсатувчи “Ботир” (номи ўзгартирилган) МЧЖ раҳбари кадастр органлари хатти-ҳаракатидан норози бўлиб Бизнес-омбудсманга мурожаат қилди.

Аниқланишича, жамиятга тегишли бўлган ер майдони электрон “Кўчмас мулк-3” дастурида нотўғри кўрсатилиши оқибатида 43.978.153 сўм ортиқча солиқ ҳисобланган.

Мурожаатни кўриб чиқиш натижасида жамиятга тегишли 2 га ер майдони тоифаси қишлоқ хўжалигида фойдаланмайдиган ерлар тоифасидан қишлоқ хўжалигида фойдаланадиган ерлар тоифасига ўзгартириб берилган.

Шунга кўра жамиятга 2022 йил бўйича жами 43.983.800 сўм солиқ ҳисобланган бўлса, Бизнес-омбудсман аралашуви билан ер тоифаси ўзгартириб берилганидан сўнг ушбу солиқ суммаси қайта ҳисобланиб, 5.647 сўмни ташкил этган.