Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Дилмурод Касимов Термиз туманида фаолият кўрсатувчи “Голд агро фреш” МЧЖга қарашли 100 гектар майдонда барпо этилган иссиқхона фаолияти билан танишди. 

“Голд Агро Фреш” корхонаси сабзавот маҳсулотларини етиштириш ва экспорт қилиш бўйича истиқболли лойиҳалардан биридир. Корхонанинг 35 миллион долларлик иссиқхонаси йилига 30 миллион долларлик маҳсулот экспорт қилиш имкони мавжуд.

Ушбу иссиқхона мажмуасида 1,5 мингдан ортиқ ишчи-ходим томонидан йилига 10 минг тонна қишлоқ хўжалиги маҳсулотлари етиштирилади.