• Ислоҳотлар самараси

 Юртимизда тадбиркорларнинг ўз фаолиятини ҳеч қандай тўсиқларсиз амалга ошириши, бизнес учун қулай шарт-шароитлар яратиш ва республиканинг инвестициявий жозибадорлигини ошириш мақсадида қуйидаги ислоҳотлар амалга оширилган:

2018 йил 1 сентябрдан тадбиркорларнинг молия-хўжалик фаолияти билан боғлиқ бўлмаган режали текширувлар ва тадбиркорлар фаолиятида ўтказиладиган назорат тартибидаги текширувлар бекор қилинди;

тадбиркорлар фаолиятини текшириш ташаббуси билан чиқиш тадбиркорлар томонидан қонунбузарлик содир этиш хавфи даражасидан келиб чиқиб, текширувни ташаббус қилишни назарда тутувчи “хавфни таҳлил этиш” тизими натижалари асосида амалга оширилиши белгиланди;

2019 йил 1 апрелдан тадбиркорлар фаолиятида ўтказиладиган текширувларни мувофиқлаштириш ва назорат қилувчи органлар томонидан текширувлар ўтказилишининг қонунийлиги устидан назорат Бизнес-омбудсман томонидан амалга оширила бошланди;

Савдо-саноат палатаси назорат қилувчи органлар томонидан тадбиркорлар фаолиятида ўтказиладиган текширувларнинг қонунийлиги устидан жамоатчилик назоратини амалга ошириш орқали Бизнес-омбудсманнинг текширувларни мувофиқлаштириш соҳасидаги фаолиятини таъминлашда иштирок этиши йўлга қўйилди;

2022 йил 1 ноябрдан тадбиркорлар фаолиятида ўтказиладиган барча текширувлар “Ягона давлат назорати” ахборот тизимида рўйхатга олиниши, акс ҳолда ноқонуний ҳисобланиши белгиланди;

“Текширувларни рўйхатга олиш электрон китоби” жорий этилди;

2023 йил 1 январдан назорат қилувчи органларга “Ягона давлат назорати” ахборот тизимидаги давлат назорати функциялари реестрига киритилмаган функциялар бўйича тадбиркорлар фаолиятида текширувлар ўтказиш тақиқланади.